NATO ekspertləri Azərbaycana gələcək

NATO ekspertlərindən ibarət qrup cari ilin 9-14 aprel tarixlərində ölkəmizdə səfərdə olacaqlar. Xarici İşlər Nazirliyindən (XİN) “Vətəninfo”ya verilən məlumata görə, səfər Azərbaycanın NATO ilə Fərdi Tərəfdaşlıq üzrə Əməliyyat Planı (FTƏP) və Planlaşdırma və Analiz Prosesi (PAP) üzrə qiymətləndirmə sənədlərinin hazırlanması üçün məsləhətləşmələr aparmaq məqsədi daşıyır. Bu məsləhətləşmələr qeyd edilən tərəfdaşlıq mexanizmləri çərçivəsində tərəfdaşlıq məqsədləri üzrə və ölkəmizin NATO ilə tərəfdaşlığa cəlb olunmuş aidiyyəti qurumlarının nümayəndələrinin iştirakı ilə aparılacaq.