Onun adı Ayladır...

“Sadəcə onun bir yaxını kimi demək istərdim ki, onun adı Hətəmpaşa deyil. Altay qızı Ayla Dəmirovadır. Əməliyyat keçirdikdən sonra bu ad dəyişib. Dövlət bu insanın qadın olduğunu təsdiq edib”.

Bu sözləri  7news.az-a ekskluziv açıqlamasında ötən gün paytaxtın Səbail rayonu ərazisində, Səid Rüstəmov küçəsi 16 ünvanında sevgilisi tərəfindən bıçaqlanan Siyəzən şəhər sakini, 27 yaşlı Dəmirova Ayla Altay qızının yaxınlarından olan Hüseynov Sənan bildirib.

Onun sözlərinə görə, insanların Aylaya qarşı fikri heç də xoş deyil: “Transseksual olduğunun vurğulanmasına bir söz demirəm. Ancaq “Facebook” sosial şəbəkəsində də də paylaşırlar və xoş olmayan əxlaqsız şərhlər yazırlar. Biz onun dostlarıyıq və bu da bizə pis təsir edir. Adını düzgün desinlər Hətəmpaşa yox, Ayladır”.

Qeyd edək ki, qətlə yetirilən Ayla Dəmirova keçən ay mətbuatın gündəminə avtomobil qəzası törətməsi ilə gəlib. Həmin vaxt məlum olmuşdu ki, o, əvvəllər Dəmirov Hətəmpaşa Altay oğlu olub, lakin sonradan cinsini və şəxsiyyət vəsiqəsində adını dəyişdirib.