Orxan Zeynalovun apellyasiya şikayətinə noyabrın 27-də baxılacaq

Moskva sakini Yeqor Şerbakovu qətlə yetirməkdə təqsirləndirilərək 17 il həbs cəzasına məhkum olunmuş Azərbaycan vətəndaşı Orxan Zeynalovun apellyasiya şikayətinə noyabrın 27-də baxılacaq.

Bu barədə APA-nın Moskva müxbirinə Rusiya Ali Məhkəməsindən məlumat verilib.

Orxan Zeynalovun vəkili Abbasmirzə Abdullayev bildirib ki, müdafiəçisi olduğu şəxsin həm məhkəmə istintaqından, həm də ilkin istintaq prosesindən narazılıqları apellyasiya şikayətində qeyd edilib.

Xatırladaq ki, bu il iyulun 28-də Moskva Şəhər Məhkəməsi Orxan Zeynalovun 17 il müddətinə azadlıqdan məhrum edilməsi barədə hökm çıxarıb.