Pan Gi Mun Suruçdakı terrordan danışdı

"Heç bir münaqişə mülki əhaliyə qarşı hücumlara bəraət qazandıra bilməz".

Vətəninfo.az Ölkə.Az-a istinadla xəbər verir ki, Birləşmiş Millətlər Təşkilatının (BMT) baş katibi Pan Gi Mun Türkiyədə terror aktı nəticəsində həlak olmuş şəxslərin yaxınlarına başsağlığı verib və cinayətdə günahkar olanları məsuliyyətə cəlb etməyə çağırıb.

O, Suruç şəhərində baş vermiş terror aktını pisləyib. Onun bəyanatında deyilir:

"Heç bir münaqişə mülki əhaliyə qarşı hücumlara bəraət qazandıra bilməz".

Xatırladaq ki, dünən Türkiyənin Şanlıurfa vilayətinin Suruç rayonunda törədilən terror aktı törədilib. Amara Mədəniyyət Mərkəzinin həyətində partlayıcı qurğu işə salınıb. Nəticədə hadisə yerində 31 nəfər ölüb, xeyli sayda yaralı var. Ən azı 45 nəfər xəstəxanalara yerləşdirilib.

Partlayışı İŞİD üzvü olan 18 yaşlı qızın törətdiyi bildirilir.