PKK-dan sərt açıqlama: "Silahı yerə qoyan deyilik"

"Kürdün varlığı və azadlığı özünümüdafiə ilə bağlıdır. Təhlükəsizliyini cəlladına həvalə edərək bir cəmiyyət yaratdım deyə bilməz”.

Vətəninfo.az xəbər verir ki, bunu  PKK terror təşkilatının liderlərindən olan Duran Qalxan deyib. O, terror təşkilatının silahı yerə qoymayacağını bildirib:   “Kürdün varlığı və azadlığı özünümüdafiə ilə bağlıdır. Təhlükəsizliyini cəlladına həvalə edərək bir cəmiyyət yaratdımm deyə bilməz. Buna görə də heç kim kürdü aldatmağa çalışmamalıdır. PKK silahı atmaz. Kürd silahı yerə qoymaz. Niyə də qoysun?! Türkiyə və digər dövlətlər silahı atsınlar. Niyə özlərini bu qədər silahlandırırlar? Biz silahı atmayacağıq. Bütün bunlar seçkidə səs qazanmaq məqsədi ilə ictimaiyyəti aldatmaq üçün edilir".  

Qeyd edək ki, PKK lideri Abdullah Öcalan bir müddət öncə İmralı həbsxanasında onu ziyarətə gələn Xalqların Demokratik Partiyasının (HDP) nümayəndələri ilə görüşü zamanı Türkiyədə silahlı mübarizənin bitdiyini bildirmiş və PKK-ya “silahı yerə qoyun” mesajını vermişdi.