Qaz çəkdilər, su xəttini dağıtdılar - Sabirabadda

Sabirabadın bəzi kəndlərinə təbii qaz verilməsi üçün qaz xətləri çəkilir.

VİZUAL.az-ın əldə etdiyi məlumata görə, bu zaman müəyyən xoşagəlməz hallara da yol verilir.

Belə ki, Sabirabadın Türkədi kəndində qaz çəkilişi zamanı əhalini içməli su ilə təchiz edən su xətlərini istifadəyə yararsız hala salıblar, təmir də etmirlər.

Ona görə də əhali bir tərəfdən sevinir, bir tərəfdən də məyus olur və narazılıq edirlər. Onsuz da milyonlar xərclənərək bütün kəndlərdə inşa edilmiş içməli su qurğularının mütləq əksəriyyəti 1-2 il işləməmiş yararsız hala düşür.