Mingəçevirin də qazını kəsirlər

Mingəçevirdə sakinlər evlərə qazın fasilələrlə verilməsindən şikayətlənirlər.

VİZUAL.az-a müraciət edən sakinlərin sözlərinə görə, şəhərin mərkəzi küçələrində qazın verilişi normal olsa da, kənarında və QRESS adlanan ərazidə təbii qaz fasilələrlə verilir.

Sakinlər narazılıq edirlər ki, qışın sazağında mənzillərdə donurlar. Onlara qazın fasilələrlə verilməsinin səbəbi izah olunmur. Qeyd edək ki, bundan qabaq da şəhərin Nəriman Nərimanov küçəsinin sakinləri evlərinə istiliyin verilməməsindən narazı idilər.

Belə ki, hər il noyabr ayının 15-dən binalara istilik verildiyi halda hələ də binalara istilik verilmirdi. Ümumiyyətlə, Mingəçevirdə hər il kommunal və sosial problemlər qış mövsümündə daha çox meydana çıxır.