Qərib Məmmədovun kadrları nazirə qarşı

Ekologiya naziri Hüseynqulu Bağırov beş aydır yeni yaradılmış Geodeziya və Kartoqrafiya üzrə Dövlət Agentliyinə rəhbər təyin edə bilmir.

VİZUAL.az xəbər verir ki, bu da yeni savaş cəbhəsinin açılmasına səbəb olub.

Hazırda bu posta iki iddialı var - biri Torpaq Komitəsində Kadastr idarəsinin rəisi olmuş Nazim İsmayılovdur.

Visiontv.az xəbər yayıb ki, N.İsmayılov Rza İbadovla yaxın qohumdur. İkinci iddialı Elçin Məhərrəmovdur.

Keçmiş Torpaq Komitəsində MTN-də dayağının olması ilə fəxr edən Elçin Məhərrəmov uzun illərdir ki, Aerogeodeziya idarəsində çalışır. Ləğv edilmiş torpaq komitəsində N.İsmayılov və E.Məhərrəmov əlbir olublar.

Komitənin dağıdılmasında müstəsna xidmətləri olduğu iddia edilir. Hətta Ekologiya və Təbii Sərvətlər Nazirliyində də oxşar ssenarini reallaşdırmaq planları var. Nazirin isə bu siyasi ekologiyanı pozan iki qüvvə ilə çəkişmədən qalib çıxacağı sual doğurur.

Nazirlik əməkdaşlarını da bu qarşıdurmaya cəlb etmək istəyirlər. Bu işdə onlara hətta nazir müavini səviyyəsində dəstəklər var.

Bu baxımdan hər iki məmur eyni posta iddialı olsa da, sözügedən Geodeziya və Kartoqrafiya üzrə Dövlət Agentliyinə rəhbər təyin edilmir. Məqalədə adı çəkilən şəxslərin də mövqeyin dinləməyə hazırıq.