"Hər dəfə efirə dəvət olunanda arzulayırdım ki..."

"Bakı 2015" Avropa Oyunlarında qızıl medal qazanan gözdən əlil idmançı İlham Zəkiyev "Hər şey daxil" verilişində qonaq olub.

Vətəninfo.az axşam.az-a istinadla xəbər verir ki, cüdoçumuzu görən proqramın digər qonağı, müğənni Mənzurə Musayeva göz yaşlarını saxlaya bilməyib.
O, hər zaman İ.Zəkiyevlə görüşməyi arzuladığını bildirib:
"Neçə vaxtdır hər dəfə efirə dəvət olunanda arzulayırdım ki, İlham Zəkiyevlə qarşılaşım. Bu gün onunla yan-yana əyləşdiyim üçün çox sevinirəm (ağlayır).
İlham, mən sənin qarşında baş əyirəm, səni çox istəyirəm. O qədər sevincliyəm ki... Studiyada onu görəndən kövrəlmişəm. İlhamın çıxışlarını izləyirdim".