"Qalmaqal yaratmaq fikrim yoxdur" - Rəqsanə

Müğənni Rəqsanə İsmayılova ANS telekanalında yayımlanan "Günəbaxan" verilişinin qonağı olub.  Axşam.az xəbər verir ki, sənətçi qalmaqallar vasitəsilə insanların yaddaşında daha asan qalmağın mümkünlüyünü qeyd edib:  “Bəzi müğənnilər boş yerə özləri qalmaqal yaradırlar. Çünki belə söz-söhbətlərlə yaddaşda daha asan qalmaq mümkündür. Adım qalmaqalda çox hallansa da, heç vaxt bilərəkdən etməmişəm. Elə olub ki, üç-dörd ay efirlərə çıxmamışam. Amma daha sonra görmüşəm ki, kiminsə qalmaqalında mənim adım hallanır. Bundan sonra qalmaqal yaratmaq fikrim yoxdur. Kefim yaxşıdır və belə də qalmaq istəyirəm”.  Kinli olmadığını deyən Rəqsanə düşmənlərini tez bağışlayır:  “Kinli deyiləm. Düşmən olduğum insanı belə bağışlayıram, yanından keçəndə salamlaşıram. Ürəyimin yumşaqlığından hamıya sirrimi deyirəm. Sonra isə bunun ziyanını çəkirəm”.