"Total" prezidentinin ölümündə şübhəli bilinən sürücü həbs edildi

Moskvada Fransanın "Total" şirkətinin prezidentinin təyyarəsi ilə toqquşan qartəmizləyən maşının sürücüsü Vladimir Martınenkon məhkəmə qarşısına çıxarılıb.

Vətəninfo.az xəbər verir ki Basman məhkəməsi sürücünün barəsində həbs-qətimkan tədbiri seçib.

Qeyd edək ki, oktyabrın 20-dən 21-nə keçən gecə "Vnukovo" aeroportunda "Total" neft şirkətinin prezidentinin şəxsi təyyarəsi qartəmizləyən maşınla toqquşub. Nəticədə təyyarə uçuş-enmə zolağına düşərək yanıb. Hadisədə dörd nəfər – şirkətin prezidenti Kristof de Marjeri, pilotlar və stüardessa həlak olub. Maşının sürücüsü ciddi xəsarət almayıb. Rusiya İstintaq Komitəsinin məlumatına görə, qartəmizləyən maşının sürücüsü sərxoş olub.