Rusiya Ermənistandakı hərbi bazasının sayını iki dəfə artıracaq

“Vətəninfo.az”ın məlumatına görə, bunu Rusiya Cənub Hərbi Dairə Komandanlığının mətbuat xidmətinin rəisi İqor Qorbul bildirib.

“Rusiyanın Gümrüdə yerləşən hərbi bazasındakı müqaviləli hərbçilərinin sayı artırılacaq. Bundan başqa, həqiqi hərbi xidmət keçən hərbçilərin sayı 5 min nəfər olacaq”.

Lakin İ. Qorbul ümumilikdə Gümrüdəki hərbi bazada nə qədər hərbi qulluqçunun olacağı haqda məlumat verməyib.

Qeyd edək ki, Rusiya Dövlət Duması keçən il Gümrüdəki hərbi bazanın icarə müqaviləsinin 2044-cü ilə qədər uzadılmasını təsdiqləyib. Bu hərbi bazada Rusiyanın hava hücumundan müdafiə sistemləri, S-300 raketdən müdafiə sistemi və MİQ-29 hərbi təyyarələri var.