Rusiya İvanaşvilinin mövqeylərini gücləndirməyə çalışır

Rusiya Cənubi Osetiya və Abxaziya siyasətinə yenidən nəzər sala bilər.

“Veteninfo.az”ın verdiyi xəbərə görə, Bidzin İvanaşvilinin komandasının Gürcüstanda siyasi hakimiyyətə gəlməsi Kremlinin maraqlarına cavab verir. Yeni hakimiyyət Rusiya yönəlik, bir sıra önəmli bəyanatlar verib. Artıq, Kremlinin də buna qarşılıq verməyə çalışdığı haqda da xəbərlər dolaşmaqdadır. Belə ki, Rusiya İvanaşvilinin Gürcüstanda mövqeylərinin gücləndirilməsi üçün, bir sıra addımların atacağı gözlənilir. 

Bunlardan ən birincisi, Rusiya Gürcüstan xalqı üçün xüsusi əhəmiyyət kəsb edən, cənubi Osetiya və Abxaziya separatçı rejimlərlə bağlı siyasətinə yenidən nəzər sala bilər. Rusiya bu məsələ ilə bağlı loyal addım atmaqla, Bidzin İvanaşvilinin cəmiyyətdə nüfuzunun artmasına nail olmağa çalışır. Bununla da, Mixail Saakaşvilinin mövqelərinin sarsıtmağa nail olacağını hesablayan, Kremli eyni zamanda qərbmeylli qüvvələrin siyasi proseslərə müdaxiləsinin zərərsizləşdirməyə və neytrallaşmasına nail olmaq istəyir. Kremlini bu məsələdə həvəsləndirən əsas faktorlardan biri də 2008-ci ilin 8 avqust rus-gürcü müharibəsindən sonra Amerika və Avropanın daha ehtiyalı mövqe ortaya qoymasıdır. Üstəlik, rəsmi Ankaranın gözləmə mövqeyində durması, qarşıda Rusiyanın bölgə ilə bağlı siyasətində daha da fəallaşacağı gözlənilir.