Rusiyada infilyasiya 15 faizə cata bilər

Rusiyanın keçmiş maliyyə naziri, Vətəndaş təşəbbüsləri komitəsinin sədri Aleksey Kudrin hesab edir ki gələn il ölkədə inflyasiya 12-15 faizə çata bilər.

"Biz iki rəqəmli inflyasiyaya doğru irəliləyirik", deyən Kudrin eyni zamanda bazar sabitləşdikcə inflyasiyanın qiymətlərə təsirinin zəifləyəcəyini də vurğulayıb.

Onun proqnozuna görə, 2015-ci ildə Rusiyada inflyasiya 12-15 faiz təşkil edə bilər, ümumi daxili məhsul (ÜDM) isə 2-4 faiz azalacaq.

Keçmiş Maliyyə nazirinin hesablamalarına görə görə, neftin 1 barelinin qiymətinin 100 dollardan 80 dollara düşməsi Rusiya ÜDM-nin 2 faiz azalması, neftin qiymətinin 60 dollara düşməsi isə ÜDM-in 4 faiz azalması deməkdir.

Kudrinin qeyd edir ki, ölkədəki böhranlı vəziyyət əhalinin həyat səviyyəsinin düşməsinə və etirazların artmasına səbəb olacaq, lakin eks-nazir əlavə edib ki, bütün bunlara baxmayaraq, dövlət institutları, guman kı, fəaliyyətini əvvəlki rejimdə davam etdirə biləcək.