Saakaşvili ilə odessalı oliqarxlar arasında gərginlik artır

Odessanın qubernatoru Mixail Saakaşvilinin əmri ilə çimərlik ətrafında sökülən hasar yenidən ucaldılır.

Vətəninfo.az xəbər verir ki, Trend-in "Zvezda” teleradio şirkətinə istinadən verdiyi məlumata görə, işçilər sabiq xalq deputatı, oliqarx Vasili Xmelnitskinin nəzarət etdiyi ərazi ətrafında yeni divar tikirlər.

İşçilər hərəkətlərini şərh etməkdən imtina edirlər. Hasar hələ tam ucaldılmayıb. Çimərliyə giriş mümkündür.

Qeyd edək ki, iyulun 21-də M.Saakaşvilinin əmri ilə milyarder V.Xmelnitskinin Odessa sahilində ucaltdığı beton divar dağıdılmışdı. Qubernator bəyan etmişdi ki, çimərliyi xalqa verəcək.