Sabirabadda 77 yaşlı kişini maşın vurub

Sabirabad rayonunda bir nəfərin ölümü ilə nəticələnən yol qəzası baş verib.

Vətəninfo.az APA-ya istinadən xəbər verir ki, yol-nəqliyyat hadisəsi Sabirabad rayonunun Qalaqayın kəndi ərazisində, Hacıqabul-Bəhrəmtəpə avtomagistralının 35-ci kilometrliyində qeydə alınıb.

Adı hələlik məlum olmayan İmişli sakini idarə etdiyi "Mersedes" markalı 99 EL 773 dövlət nömrə nişanlı avtomobillə yolu keçən Qalaqayın kənd sakini, 1937-ci il təvəllüdlü Əmişov Atamoğlan Əmkişi oğlunu vurub. Piyada aldığı xəsarətlərdən hadisə yerində dünyasını dəyişib.

Faktla bağlı BDYPİ-də cinayət işi açılıb, araşdırma aparılır.