Sarkisyan erməniylə Azərbaycan dilində danışdı

Ermənistanın Verdanis şəhərində Ermənistan prezidenti Serj Sarkisyan şəhər sakinləri ilə görüşərkən bir yaşlı kişi hamını təəccübləndirib. Kağızda erməni dilində yazılmış mətni çətinliklə oxuyan kişi belə deyib: "İcazə verin, indi öz dilimdə danışmayım, ürəyimdən danışım" və Azərbaycan dilində aşağıdakı şeiri oxuyub: 

"Sözüm, yerində bil qiymətdi 

Yağış da bir nemətdi".

Yaşlı kişinin nitqini zalda oturanlar alqışla qarşılayıblar. Sarkisyan isə kişinin bu sözünə zarafatla: "Deyəsən, köhnə dövrlər üçün darıxmısan?" - deyib. Kişi Azərbaycan dilində dediyi şeiri erməni dilinə tərcümə etmək istəyəndə Sarkisyan deyib ki, lazım deyil.

"Yəqin, siz unutmusunuz ki, mən də başa düşürəm", - o əlavə edib.