Sarkisyan nazirini dəyişdi

Ermənistan Prezidenti Serj Sarkisyanın əmri ilə fövqəladə hallar naziri Armen Eritsyan vəzifəsindən azad edilib.

Bu barədə “Panarmenian.net” saytı dövlət başçısının mətbuat xidmətinə istinadən məlumat yayıb.

Sarkisyan başqa bir əmrlə Armen Eritsyanı ərazi idarəçiliyi və fövqəladə hallar naziri təyin edib.

Ermənistan hökumətinin noyabrın-6-da keçirilmiş iclasında Baş nazir Ovik Abramyan hökumətin strukturuna dəyişikliklər etməyi və Fövqəladə Hallar və Ərazi İdarəçiliyi nazirliklərini birləşdirməyi təklif edib.

Ovik Abramyan, həmçinin Beynəlxalq İqtisadi İnteqrasiya və İslahatlar Nazirliyini yaratmağı təklif edib. KİV-in məlumatına görə, yeni quruma sabiq maliyyə naziri, Baş nazirin müşaviri Vaçe Qabrielyan rəhbərlik edəcək.