Şəmikirdə yaşayış binasında partlayış olub

Şəmkir rayonunda dördmərtəbəli binanın 3-cü mərtəbəsində mənzildə qaz sızması baş verib.

Vətəninfo.az Fövqəladə Hallar nazirliyinin rəsmi saytına istinadla xəbər verir ki, qaz sızması nəticəsində vətəndaşa məxsus ümumi sahəsi 46 kv.m olan 1 otaqlı mənzilin mətbəxində partlayışdan pəncərə-qapı uçub, mənzil deformasiyaya uğrayıb.

Partlayış nəticəsində 2-ci mərtəbə mənzildə köməksiz vəziyyətdə qalmış vətəndaş və iki azyaşlı uşaq yanğınsöndürənlər tərəfindən mənzildən çıxarılıb.