Sənubər İsgəndərli qınadı: ""Şit" zarafatlar..."

Əməkdar artist Sənubər İsgəndərli yeni çəkilən filmlərdən narazıdır.

Vətəninfo.az   axşam.az-a istinadən xəbər verir ki, "Star life"a açıqlama verən aktrisa rejissorları tamaşaçıları aldatmaqda günahlandırıb:

"Son vaxtlar film sahəmizdə irəliləyiş var. Rejissorlar daha çox komediyaya üstünlük verirlər. Çünki kommersiya güdürlər. Düşünürlər ki, tamaşaçı "şit" zarafatlara güləcək. Hər rejissorun intellektual səviyyəsi var. "Şit" zarafat da ondan xəbər verir. Rejissor düşünür ki, mən buna gülürəmsə, demək, tamaşaçı da güləcək. Bu yanlışdır. İzləyicini aldatmaq olmaz. Əgər zarafat tamaşaçını düşündürmürsə, buna komediya demək olmaz".

Yeniliklərindən söz açan S.İsgəndərli aparıcılıq, serial və film təklifləri aldığını bildirib:

"Akademik Milli Dram Teatrında türk yazıçısı Toyqun Orbayın "21:15 qatarı" adlı pyesi əsasında qurulan tamaşada rol almışam. Rejissorluğunu Bəhram Osmanovun etdiyi tamaşada xalq artistləri Nurəddin Mehdixanlı, Hacı İsmayılov da yer alıb. Premyera oldu, böyük əks-səda doğurdu. Mayda yazıçının özü də Bakıya gələcək. Başqa təkliflər gəlir. Bunlar arasında veriliş, film, serial var. Hələ ki, düşünürəm".