Sevgilisini öldürən müğənni "Sizin saat"da danışdı

Vətəninfo.az saytında gedən “Müğənni alfons sevgilisini öldürdü” xəbəri Space TV-də müzakirə olundu. Müğənni Məsumə Əliyeva qaranlıq məqamlara aydınlıq gətirdi. Həyəcan, əsəb, gərginlik və şok anlarla yadda qalan məqamlar Kamran Həsənlinin təqdimatında “Sizin saat” verilişində açıqlandı. Verilişə ekspert kimi dəvət olunan meyxana ustası Namiq Qaraçuxurlu hadisə ilə bağlı müğənninin başına gələnlərə münasibət bildirərək söylədi ki, mən bu xanımın üzünə baxanda görürəm ki, həqiqətən alfons sevgilisini öldürüb. Çox əsəbi vəziyyətdə verilişə gəlib. Məsumə xanım mövzu ilə bağlı şok etiraflarını edərək alfonslara qarşı xüsusi maddənin qəbul edilməsi təklifini irəli sürüb. “Bizim sıramızda qadın hissləri ilə oynayan, qadın hesabına yaşayan alfonslara yer olmamalıdır. Onların hamısı güllələnməlidir. Qadınlar zərifdir, incədir, onların hər zaman sevgiyə və diqqətə ehtiyacı var. Gəlin onlara qarşı səmimi sevgimizi və diqqətimizi əsirgəməyək”. Yazının davamına ehtiyac duymadıq, qaranlıq məqamları Kamran Həsənli ilə “Sizin saat” verilişində izləyə bilərsiniz.

Araz Hacıyev

Vətəninfo.az