Soda böyrək xəstəliyinin inkişafını əngəlləyir

Məişətdə işlətdiyimiz soda (natrium bikarbonatı) xroniki böyrək xəstəliyinin inkişafını əngəlləyir. Böyük Britaniya alimlərinin 134 insan üzərində apardıqları tədqiqatlar bunu deməyə əsas verir. Bir qrup xəstənin müalicəsi adi qaydada aparılıb. Digər qrupda olanların müalicəsi zamanı isə xəstələr hər gün həb şəklində soda qəbul ediblər. “Vətəninfo.az”ın “EurekAlert”ə istinadən verdiyi məlumata görə, müayinənin nəticələri göstərib ki, ikinci qrupdan  olanların səhhətində müsbətə dogru irəliləyişlər var. Onların müalicəsindən sonra həm də dializə ehtiyac qalmayıb. Ən vacibi isə odur ki, orqanizmdə natrium bikarbonatın miqdarının çoxalması xəstələrdə təzyiqin artmasına səbəb olmayıb. Lakin alimlər xəstələrə sodanı yalnız həkimlərin nəzarəti altında qəbul etməyi məsləhət görürlər. Çünki ondan artıq istifadə müəyyən fəsadlara gətirib çıxara bilər.