Sürətli qatarlar istehsal olunacaq

Türkiyənin Nəqliyyat, Dənizçilik və Kommunikasiya Nazirliyi ilk dəfə olaraq milli yüksək sürətli qatarların istehsalı layihəsini hökumətə təqdim edib.

Vətəninfo.az Türkiyə mediasına istinadən xəbər verir ki, layihə son elmi və texniki nailiyyətlərə uyğun hazırlanıb.

Yeni qatarlar müasir klimat-kontrol sistemləri, rahat oturacaqlar və restoranlarla təchiz ediləcək. Qatarların vaqonları korroziyaya davamlı poladdan hazırlanacaq. Onların sürəti saatda 200 km təşkil edəcək.
2023-cü ilədək dövlət yüksəksürətli dəmir yol şəbəkəsinin yaradılması planlaşdırılır. Bu şəbəkədə olacaq qatarların təqribən 85%-i yerli istehsala aid olacaq.