Tağı Əhmədova yeni vəzifə verilməsi barədə məlumat

Vətəninfo.az  xəbər verir ki, Hafta.az-a daxil olan məlumata görə, Bakı Metropoliteninin sabiq rəisi Tağı Əhmədov Yeni Azərbaycan Partiyasının (YAP) Yasamal rayon təşkilatının sədri seçilib.

Məlumatı dəqiqləşdirmək üçün T.Əhmədovun ailəsi ilə əlaqə saxladıq. Dəstəkdəki xanım məlumatı nə təkzib nə də ki, təsdiq etdi. YAP rəhbərliyindəki mənbədən aldığımız məlumata görə, təxminən 20 gün əvvəl Yasamal rayon təşkilatının sədrinin əvəzləyicisi kimi təsdiqlənib.
Qeyd edək ki, Yeni Azərbaycan Partiyası Yasamal rayon təşkilatının sədri, keçmiş deputat, 81 yaşlı Fikrət İsmayılov bu il martın 31-də dünyasını dəyişib.
Onu da xatıqladaq ki, Tağı Əhmədov ötən ilin dekabrında YAP Yasamal rayon təşkilatında aparat rəhbəri təyin olunub.