Tələbələr arasında qan düşdü: 4 ölü

Suriyanın Hələb Universitetində müxalif qüvvələrə dəstək olan tələbələrlə, Bəşər Əsəd rejiminin tərəfdarı olan tələbələr arasında çıxan qarşıdurmalarda 4 nəfər həyatını itirib.

“Vətəninfo.az” xarici mətbuata istinadən xəbər verir ki, ölkədə Suriya dövlət başçısı Bəşər Əsəd rejiminə qarşı üsyanlar səngimək bilmir. Həmçinin, Hələb şəhərində də belə qarşıdurmaların çox olduğu bildirilir. Universitetdəki qarşıdurma isə səhər saatlarında baş verib, ölənlərlə yanaşı 200-dən çox insan da həbs olunub. Şahidlərin verdiyi məlumata görə, aksiyada 500-ə yaxın tələbə iştirak edib və “Səni İstəmirik Bəşər!" şüarları səsləndirilib.

Mirvari Nəcəf