Texnikabank zor durumda - şirkətlər hesablarını bağlayır

Texnikabankla bağlı xəbərlərin ardi kəsilmir.“Vətəninfo.az”ın məlumatına görə, İranla bağlı xəbərlərin çıxması təbii ki, hökümət qədər bu bankın müştərisi olan böyük şirkətlərin də narahatlığına səbəb olub. Məsələn, Azercell kimi  resmi hesabi bu bankda olan şirkətlər bu xəbərdən narahatdılar. Bir tərəfdən də Azərbaycan höküməti ölkədə bütün nəhəng layihələrin pulunu Texnikabanka yerləşdirib. Üçüncü bir tərəfdən də kütləvi büdcə köçürmələri də Texnikabank vasitəsilə reallaşdırılır. 

Bütün bunlar təbii, qeyri rəsmi əldə olunmuş məlumatdır. Amma son anda bir dəqiq məlumat əldə etdik. Bir çox şirkətlər artıq Texnikabankdan hesablarını çəkməyə başlayıblar. Belə ki, böyük kredir təşkilatlarında olan "Omni Finance Kredit təşkilatı"ndan bütün müştərilərinə bir mesaj gəlib. Xahiş edirik, bütün ödəmələrinizi bundan sonra Texnikabanka deyil, Standart banka ödəyəsiniz. 

 Texnikabankdan məsələ ilə bağlı mövqey öyrəndikdə isə, İçtimaətlə əlaqələr şöbəsindən, onlarda belə bir məlumatın olmadığı bildirildi.