Tibb Universitetinin yeni binası da soyulur

Bir neçə gün əvvəl Binəqədidə çoxmərtəbəli binada baş verən və insan tələfatı ilə nəticələnən yanğın hadisəsindən sonra paytaxtın müxtəlif yerlərində binaların poliuretan üzlüklərinin sökülməsinə başlanılıb. Üzlüyü sökülən binalardan biri də,  Azərbaycan Tibb Universitetinin yeni tikilən və bir neçə ay bundan əvvəl istifadəyə verilən 25 min kvadratmetrlik müalicə korpusudur.

Xatırladaq ki, vaxtilə Vətəninfo.az saytı korpus inşa olunan zaman binanın əyri tikilməsi ilə bağlı məlumat yaymışdı.

Vətəninfo.az-a daxil olan məlumata görə, həmin binanı Tibb Universitetinin rektoru, millət vəkili Əhliman Əmiraslanovun yaxın qohumu Əvəz Şükürov inşa etdirib.