TÜRKPA BPİ-nin Sessiyasında iştirak edəcək

TÜRKPA nümayəndə heyəti 31 mart- 5 aprel 2012-ci il tarixləri arasında Ugandanın paytaxtı Kampala şəhərində keçiriləcək 155 ölkənin parlamentini və bir çox beynəlxalq təşkilatları özündə birləşdirən Beynəlxalq Parlamentlər İttifaqının 126-cı Sessiyasına qatılacaq. “Vətəninfo.az”az TÜRKPA-dan verilən məlumatda deyilir ki, Nümayəndə heyətinə Azərbaycan Parlamentinin TÜRKPA-dakı nümayəndə heyətinin üzvü və Beynəlxalq Parlamentlərarası İttifaqdakı rəhbəri İlham Əliyev rəhbərlik edəcək. Məlumatda deyilir ki, TÜRKPA Beynəlxalq Parlamentlər İttifaqında müşahidəçi statusu ilə təmsil olunur. Həmçinin TÜRKPA Baş Katibinin müavini  Kürşad Melih Sarıarslan Beynəlxalq Parlamentlər İttifaqının 126-cı Sessiyası ilə paralel olaraq keçiriləcək Parlamentlərin Baş Katibləri Assosiasiyasının növbəti iclasında iştirak və çıxış edəcək.