Türkiyənin ilk qızıl medalını karateçi qız aldı

I Avropa Oyunlarında qadınların 50 kiloqram çəkidə mübarizə aparan Türkiyədən olan karateçi Serap Özçelik finalda avstriyalı rəqibini məğlub edərək qızıl medal qazanıb. “Crystal Hall”da keçirilən yarışlarda 50 kiloqram çəki dərəcəsində tatamiyə çıxan Serap Özçelik yarımfinalda qarşılaşdığı ukraynalı Katerina Kryvayı hakim qərarı ilə yenib.
Finalda avstriyalı Bettina Planında ilə qarşılaşan Özçelik rəqibini 1:0 məğlub edərək Avropa Oyunlarında Türkiyəyə qızıl medal qazanan ilk türk idmançı olub.
Özçelik qrup yarışlarında Xorvatiyadan olan Monika Beruleci 3:0, Azərbaycandan olan idmançı Nuranə Əliyevanı 6:0, daha sonra finalda qarşılaşdığı Plankı isə 3:0 məğlub edərək adını yarımfinala yazdırmışdı.

Modern.az