Vurdu, sonra da ağladı

“Vətəninfo.az" Türkiyə mətbuatına istinadən  xəbər verir ki, komandanın məşq bazasında başlanmış, sonradan soyunma otağında davam etmiş və Melonun ispaniyalı həmkarının gözünü partlatması ilə nəticələnmiş davadan sonra baş vermiş maraqlı bir epizod «Fanatik» qəzetinə məlum olub. Sən demə, Melo əməlindən son dərəcə peşmandır. İnsidentin yaşandığı gün axşam saatlarında Rieranın evinə yollanan Melo ondan üzr istəmək üçün cəhdlər göstərib. Onun uzun-uzadı qapını döyməsinə baxmayaraq, Riera komanda yoldaşının üzünə qapı açmayıb. Nəticədə Melo ətrafdakıların eşidəcəyi şəkildə hönkürərək ağlamağa və Rieradan üzr istəməyə başlayıb. Mənbə bildirir ki, Riera bu vəziyyətə çox tab gətirə bilməyib və qapını açıb. Özünü içəri atan braziliyalı ulduz həmkarını bağrına basaraq durmadan üzr istəməyə başlayıb. O, ispaniyalı yarımmüdafiəçinin xanımından da üzr istəyib.