Xaçmaz və Qobustan rayonlarında əmək yarmarkaları keçiriləcək

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti (DMX) tərəfindən mayın 20-də Xaçmaz rayonunda, mayın 21-də isə Qobustan rayonunda əmək yarmarkaları təşkil ediləcək.

Vətəninfo.az  AZƏRTAC-a istinadən bildirir ki, həmin rayonların məşğulluq orqanları tərəfindən əmək yarmarkalarına hazırlıq işləri çərçivəsində müəssisələrdən boş (vakant) iş yerləri barədə məlumatların toplanması işləri davam etdirilir. Yarmarkalar zamanı Xaçmaz rayonunda 23 müəssisə üzrə 360-dan çox, Qobustan rayonunda isə 12 müəssisə üzrə 170 boş (vakant) iş yerinin işsiz və işaxtaran vətəndaşlara təqdim olunması nəzərdə tutulur.
Münasib iş yeri seçməkdə çətinlik çəkən, yaxud peşəsinə uyğun iş tapmadığı üçün peşəsini (ixtisasını) dəyişmək istəyən şəxslər peşə hazırlığına cəlb olunmaq üçün qeydiyyata alınacaq.