“Xeyirxahlıq carçısı”-nın növbəti qalibi bəlli oldu

S.Dadaşov adına Elmi -Tədqiqat və Layihə Konstruktor İnşaat Materialları İnstitutunun kiçik elmi işçisi Feyruz Xanlar oğlu Məmmədov “ Mətbuat ” firmasının təsis etdiyi “Xeyirxahlıq carçısı” mükafatı ilə təltif edilib. Mükafat gənc elmi işçiyə ictimai işlərdə, mədəni - kütləvi tədbirlərdə fəal iştirakına və xeyirxah əməllərinə görə verilib. F.Məmmədov son 10 ildə ölkəmizdəki sosial - iqtisadi inkişaf, tikinti - inşaat sahəsindəki əldə edilmiş uğurlardan bəhs edən kitab üzərində işləyir. Gənc elmi işçinin son 10 ildə ölkəmizdə əldə edilən uğurlara baxışı inanırıq ki, maraqlı olacaq. F.Məmmədov müharibə və əmək əlilləri üçün pansionatda və “ N ” saylı hərbi hissədə sənət adamları ilə bərabər maraqlı xeyriyyə tədbiri də keçirtməyi planlaşdırır. Hər zaman öz üzərində çalışan gəncimizə uğurlar arzulayırıq. Sabahımız olan gənclərimizin belə nəcib əməllərini alqişlayırıq.

Alim Nəbioğlu