Zaqatalada 6 ton narkotika məhv edilib

Zaqatalada 6 ton narkotik tərkibli bitki məhv edilib.

Vətəninfo.az xəbər verir ki, Zaqatala rayon Polis Şöbəsindən APA-nın Şəki-Zaqatala bürosuna verilən məlumata görə, Zaqatala RPŞ-nin və Daxili Qoşunların Zaqatala yerləşən “N” saylı hərbi hissəsinin əməkdaşları rayon ərazisində narkotik tərkibli bitkilərin bitdiyi ərazilərin aşkarlanaraq məhv edilməsi istiqamətində birgə əməliyyat tədbiri keçirib.

Tədbir nəticəsində rayonun Uzunqazmalar kənd inzibati ərazisində “Taplar” adlanan çöl sahəsinin əkinə yararsız hissəsində narkotik tərkibli bitki hesab edilən çətənə kolları aşkar edilib. Tədbir zamanı ərazidən ümumi çəkisi 6 ton olmaqla, 4000 ədəd narkotik tərkibli bitki hesab edilən çətənə kolu yığılaraq yandırılma yolu ilə məhv edilib.

Zaqatala RPŞ-dən bildirilib ki, rayon ərazisində narkotik tərkibli bitkilərin bitdiyi ərazilərin aşkarlanaraq məhv edilməsi istiqamətində tədbirlər davam etdirilir.

Vətəninfo.az