Özbəkistan prezidentinin təbriki

Özbəkistan Prezidenti İslam Kərimov Azərbaycan Prezidenti İlham Əliyevə təbrik məktubu göndərib.

Vətəninfo.az ANS PRESS-ə istinadla məlumat verir ki, İ.Kərimov məktubunda Azərbaycanın dövlət başçısına Azərbaycanın milli bayramı – Respublika Günü münasibəti ilə səmimi təbriklərini çatdırıb.
Məktubda deyilir: "Sizin rəhbərliyiniz ilə Azərbaycanda ictimai-siyasi, sosial-iqtisadi həyatın bütün sahələrində, xalqın rifahının təmin olunması və ölkənin beynəlxalq məkanda nüfuzunun möhkəmlənməsi istiqamətində qazanılan sanballı uğurlar Özbəkistanda böyük məmnunluq hissi ilə qeyd edilir.
Əminəm ki, ölkələrimiz və xalqlarımız arasında tarixən təşəkkül tapmış ənənəvi dostluq münasibətləri, ikitərəfli siyasi dialoqun yüksək səviyyəsi bundan sonra da qarşılıqlı hörmət və etimad prinsipləri əsasında ardıcıl inkişaf edəcək və möhkəmlənəcək.
Hörmətli İlham Heydər oğlu, bu xoş fürsətdən istifadə edərək Sizə möhkəm cansağlığı, yeni-yeni uğurlar, dost Azərbaycan xalqına isə sülh və firavanlıq arzu edirəm."