Daxili İşlər Nazirliyi Sumqayıtda baş vermiş ağır yol qəzası barədə məlumat yayıb.  Rəsmi məlumata görə, avqustun 1-də saat 04 radələrində Sumqayıt şəhərinin H.Zeynalabdin qəsəbəsində Bakı şəhər sakini Əli Əliyev idarə etdiyi "Opel” markalı avtomobili yolun kənarında dayanmış Bakı şəhər sakini Ərşad İbayevə məxsus "Mercedes” markalı yük avtomobilinin qoşqusuna vurub. Nəticədə Ə.Əliyev və sərnişinlərindən atası Xanlar, qardaşı Məhəmməd, həmyerliləri Sabir Əliyev, Tural Rzayev hadisə yerində, Rəvan Əliyev isə xəstəxanada ölüblər.
  BDYPİ tərəfindən araşdırma aparılır.

Modern.az