Alim Nəbioğlu: “Firəngiz Mütəllimova mənim ürəyimdir”

Xalq artisti, sevimli sənətkarımız Firəngiz Mütəllimova ilə bağlı saytların birində gedən informasiya bizdə narahatçılıq doğurdu. Xəbərdə bildirilirdi ki, yaxın zamanlarda sevimli aktrisamız əməliyyat keçirəcək. Məsələ ilə bağlı xəbər müəllifi, jurnalist Alim Nəbioğlu ilə əlaqə saxladıq.

Onun dedikləri: “Firəngiz Mütəllimova mənim ən çox sevdiyim aktrisadır. İllərdir ki, bizim gözəl sənət dostluğumuz var. Aktrisa haqqında “Səndən doymadım, Şuşam...” kitabının müəllifiyəm. Eyni zamanda aktrisa ilə bərabər xalq artisti, rejissor Mərahim Fərzəlibəyovun həyat və yaradıcılığından bəhs edən “Bəyaz gecələrin romantiki” adlı kitabı birgə yazmışıq. Firəngiz Mütəllimova yanvar ayında Türkiyəyə gedəcək və orada müayinədən keçəcək. Heç bir əməliyyata ehtiyac qalmayıb. Aktrisa müayinə olunub, vətənə qayıdaraq öz yaradıcılıq və pedaqoji fəaliiyyətini davam etdirəcək. Yenə deyirəm, Firəngiz Mütəllimova mənim ürəyimdir. Şəxsiyyət olaraq ona böyük hörmətim var. Hər zaman üzü gülsün, obrazları ilə tamaşaçıları sevindirsin, tələbələr yetişdirərək səhnəmizə yeni Firəngizlər, Yaşarlar bəxş etsin”,

Vətəninfo.az