Aqşin Yenisey evə buraxılır

Vətəninfo.az  xəbər verir ki, gənc şair Aqşin Yeniseyin vəziyyəti xeyli yaxşılaşıb. Bu haqda Axar.az-a hazırda Gömrük hospitalında müalicə olunan şairin özü deyib:

“Gördüyünüz kimi, səhhətimdə xeyli irəliləyiş var. Analizlərin cavabı sevindiricidir. Həkimim dedi ki, qara ciyərim xəstəliyimlə əlaqədar olaraq 8 sm sallanıb. Hazırda norma bərpa olunur. Ciyərim öz yerinə qayıdır, funksiyalarını yerinə yetirməyə başlayır. Həkimlərin dediyinə görə, 3-4 günə tam sağlam vəziyyətdə evə buraxılacam”.

Qeyd edək ki, may ayının 23-də şair A.Yeniseyin səhhəti qəflətən pisləşdiyi üçün xəstəxanaya yerləşdirilib. Gənc şair qaraciyər serrozu və sarılıq xəstəliyindən əziyyət çəkir.

Vətəninfo.az