Avro-2012: İspaniya-İtaliya finalı olacaq

Avro-2012-nın ikinci yarımfinalında İtaliya yığması Almaniyanı 2:1 hesabı ilə məğlub edib.

"Vətəninfo.az"ın verdiyi xəbərə görə, Varşavanın Milli stadionunda keçirilən matçda İtaliyanın qollarını Mario Balotelli oyunun 20-ci və 36-cı dəqiqəsində vurub. Matça əlavə olunmuş vaxta Məsut Özil 11-metrlik cərimə zərbəsi ilə almanların cavab qolu vurub.
Beləliklə, Avro-2012-nın iyulun birində keçiriləcək finalında İspaniya və İtaliya komandaları qarşılaşacaqlar.