Avronest PA-nın ikinci sessiyası Bakıda keçiriləcəkdir

 Avronest Parlament Assambleyasının (PA) ikinci sessiyası aprelin 1-dən 4-dək Bakıda keçiriləcəkdir. Bunu  “Vətəninfo”ya Milli Məclisinin üzvü  Avronest PA-nın enerji təhlükəsizliyi komitəsinin həmsədri Fuad Muradov bildirdirib.  Fuad Muradovun sözlərinə görə, Avronest PA-nın sessiyası ildə bir dəfə keçirilir. Birinci sessiya Assambleyanın təsisis olunduğu Belçikada keçirilib. Bu isə ikinci sessiya olacaqdır: “ Bu sessiyanın Bakıda keçirilməsi Azərbaycan üçün çox əhəmiyyətlidir. Sessiyada mühüm sənədlərin müzakirəsi gözlənilir”. Millət vəkili qeyd edib ki, sessiyada iştirak etmək üçün Bakıya Avropa ölkələrindən 200-dək deputat, o cümlədən ictimai xadim, Avropa parlamentində təmsil olunan siyasi partiyaların nüməyəndələri gələcəklər. Onlar həm də Azərbaycan ilə yaxından tanış olacaqlar. Sessiya çərçivəsində Avropanın enerji təchizatı ilə bağlı bir neçə tədbirin keçirilməsi də nəzərdə tutulu: “Artıq bununla bağlı razılaşma vardır. Eyni zamanda Azərbaycan nümayəndələri tərəfindən hazırlanan məruzə də müzakirə olunacaqdır”.