“Azərbaycan bunu bir fürsət kimi dəyərləndirməlidir”

Azərbaycanla Avropa İttifaqı arasında DCFTA və Assosiasiya sazişi ilə bağlı müzakirələr gedirmi? Riqa Sammitindən gözləntiləriniz nədir?
Məsələ ilə bağlı Moderator.az-a danışan iqtisadçı alim Qubad İbadoğlu belə hesab edir ki:
"Hazırda DESFA ilə bağlı müzakirələr gündəmdə deyil, çünki bu sənəd Assosiasiya müqaviləsinin tərkib hissəsi hesab olunur və birlikdə imzalanır. Avropa İttifaqı ilə Azərbaycan arasında ikitərfli qaydada strateji modernləşmə sənədinin imzalanması ilə bağlı müzakirələr çoxdandır ki, başlayıb. Ola bilər ki, bu sənəd  Riqa Sammitində imzalansın. Amma tərəflərin buna hazır olduğunu demək üçün ortalıqda ciddi arqumentlər yoxdur. İstənilən halda Azərbaycan hökümətinin  Riqa sammitinə qatılması vacibdir. Çünki bildiyiniz kimi Rusiyanın həm siyasi və həm də iqtsiadi təsir dairəsindən çıxa bilməyən Ermənistan və Belarus bu tədbirdə iştirakdan imtina edib. Azərbaycan bunu da bir fürsət kimi dəyərləndirməli və bu mötəbər tribunadan istifadə etməlidir. Hesab edirəm ki,  Aİ ilə Azərbaycan arasında imzalanması hazır olan sənədlər də orda imzalanmalı və bundan sonra da ratifikiasiya olunmaq üçün parlamentlərə təqdim edilməlidir".

Vətəninfo.az