AZƏRBAYCANLI GƏNC MOSKVADA ÖLDÜRÜLÜB

Rusiyanın paytaxtında azərbaycanlı gənc qətlə yetirilib. "Vətəninfo.az" ın APA-ya istinadən verdiyi xəbərə görə, qətl hadisəsi Rusiya paytaxtının mərkəzində baş verib.

“Vtoroya Bretskaya” 43 ünvanında yaşayan 33 yaşlı Mətin Mehdiyev evinin giriş qapısında naməlum şəxslər tərəfindən çoxlu sayda bıçaq zərbələri nəticəsində qətlə yetirilib.

Mərhumun ailəsi ilə birlikdə həmin ünvanda yaşadığı bildirilib. Qeyd olunur ki, axşam saatlarında Mehdiyev ərzaq almaq üçün evdən çıxıb.Şahidlərinin verdiyi məlumata görə, qətli törədən şəxslər arasında qız da olub. Qətlin qarət məqsədi ilə törədildiyi istisna olunur. Çünki mərhumun üzərindən heç nə oğurlanmayıb.

Xatırladaq ki, 2003-cü ildə Mehdiyev milliyyətçilərin hücumu nəticəsində yaralanmışdı.

Faktla bağlı Moskva hüquq mühafizə orqanları araşdırma aparırlar.