Azərbaycanlı iş adamı İngiltərənin futbol klubunu alıb

Sövdələşmənin başa çatdığı barədə xəbər klubun internet səhifəsində bildirilib

Azərbaycanlı iş adamı Hafiz Məmmədov İngiltərənin ikinci liqa təmsilçisi Sheffield Wednesday futbol klubunu alıb. Vətəninfo.az xəbər verir ki, sövdələşmənin başa çatdığı barədə xəbər klubun internet səhifəsində bildirilib.

"Mən sadiq futbol azarkeşiyəm və xeyli vaxt idi ki, İngiltərə futboluna investisiya etmək barədə düşünürdüm, lakin bunun üçün uyğun klub axtarırdım. Mən bu möhtəşəm klubun alınması ilə bağlı sövdələşmənin əldə edilməsindən olduqca razı və qürurluyam", - deyə Hafiz Məmmədov klubun internet səhifəsinə açıqlamasında bildirib.

H.Məmmədov Sheffield Wednesday İngiltərə futbolunda adına layiq yer tutacağı, qələbələr qazanması üçün əlindən gələni edəcəyini söz verib.

Klubun bundan əvvəlki sahibi Milan Mandaric bir müddət idi ki, Məmmədovla danışıqlar aparırdı.

Baghlan Group-un təsisçisi və sahibi olan Məmmədov, həmçinin Azərbaycanın Bakı futbol klubu və Fransanın Birinci Liqasında çıxış edən Lens-ın sahibidir.

Vətəninfo.az