“Bir-birlərinin ərlərini əllərindən alırlar...”

Müğənni Rəqsanənin həyat yoldaşının kimliyi məlum olub.

Axşam.az-ın məlumatına görə, sənətçinin gizlicə nikah masasına oturduğu şəxs türkiyəli iş adamıdır.

Xəbərləri təsdiqləyən Rəqsanə “Onlar” verilişinə müsahibəsində həmin insanla çox xoşbəxt olduğunu deyib:

“Toyumuz olub, indi mən ailəliyəm. Çox xoşbəxtəm ki, onun kimi bir insan ailəmizə daxil olub, övladlarımın yanındadır. Onu hamıdan gizlədirəm. Hər şeyi açıb-tökəndə gördüm ki, çox söz danışdılar.

Həm bu şou-biznesdəkilərdən hər şey gözləmək olar. O qədər bir-birinin ərini əlindən alanlar olub ki... Aman mən onun kim olduğunu, ünvanını, harada yaşadığını deməyim. Bir də gördüm, əllərində çemodanla gediblər ora”.

Rəqsanə müalicə aldığını, buna görə də yaradıcılıq işlərinə ara verdiyini deyib:

“Əsəblərim yerində deyil. Müalicə alıram. Psixoloji durumumda problem var. Hətta klip çəkilişlərinə bir gün getdim, ikinci dəfə çıxa bilmədim. Sentyabrın 5-nə kimi müalicə almalıyam. Hər gün iynə vurdurur, dərman qəbul edirəm”.