Braziliya yığması Neymarı itirdi

Vətəninfo.az  xəbər verir ki, Braziliya yığmasının oyunçusu Neymar son oyunda ağır zədə alıb. Müayinə nəticəsində məlum oldu ki, Neymarın üçüncü onurğa fəqərəsi sınıb. ANS PRESS-in məlumatına görə, bunu Braziliya yığma komandasının həkimi Rodriqo Lazmar futbolçu Neymarın həkim müayinəsinin nəticələrini açıqlayarkən deyib. Həkimin sözlərinə görə, Neymarın belə zədə alması onun hərəkət etməsinə ciddi təsir göstərir.

“Doğrudur, onun əməliyyat olunması ehtimalı sıfıra bərabərdir. Amma o, artıq dünya çempionatının növbəti oyunlarında iştirak edə bilməyəcək. Neymarın tamamilə sağalması üçün 4-6 həftə vaxt lazımdır”, deyə Lazmar bildirib. Həkim onu da əlavə edib ki, yaxın günlərdə Neymar yenidən həkim müayinəsindən keçəcək.

Qeyd edək ki, futbol üzrə dünya çempionatının ¼ finalında Braziliya-Kolumbiya oyununda Neymar rəqib komandanın oyunçusu Xuan Suniqa ilə toqquşması nəticəsində zədə almışdı. Braziliya yığması növbəti oyununu ½ finalda Almaniya millisi ilə qarşılaşacaq.

Vətəninfo.az