Bu gün “Nə olsun?” nun qonağı müğənni Samir Piriyevdi

Bu gün “Nə olsun?” proqramında qonaq qismində müğənni Samir Piriyev olub.Samir ilə birgə verlişin  musiqi redaktoru Ülvü Qılınc, jurnalistlərdən Fuad Poladov və Tahirə Məmmədova çıxış ediblər.
Həmişəki kimi parapsixoloq Tamilla Salamova  müğənninin həyat yoluna nəzər salaraq,onun iç dünyasının gizlı məqamlarından söz açıb.
Sərxan Kərəmoğlunun aparıcılığı ilə Lider kanalında yayımlanan “Nə olsun?” proqramında  mövzu ətraında yenə müzakirələr və maraqlı fikirlər yürüdülüb.
Həmkarlarından fərqli olaraq,Samir jurnalistlər ilə münasibətinin normal olduğunu vurğulayıb.Xatırladaq ki,Piriyevin həyat yoldaşı Anara xanım da jurnalistdir.Yəqin elə o səbəbdəndir ki, proqram boyunca  müğənni  qələm sahibləri barədə  çox yüksək  fikirlər söyləyib.
Verliş barədə daha ətraflı məlumat əldə etmək istəyənlərin nəzərinə,hər gün həftəiçi saat 18.00-19.00 kimi, gecə isə 02.00-03.00 kimi “Nə olsun?”u izləyib,maraqlı söhbətlərə qulaq kəsilə bilərlər.
Proqramın redaktoru tanınmış aparıcı və jurnalist Ceyran Nərimandır.
Onu da nəzərə çatdıraq ki, aparıcı Sərxan Kərəmoğlu hazırda Moskvadadır. Ancaq sabah mütləq yenidən eyni məkanda və eyni saatda
Sərxan öz tamaşaçılarına :“Nə olsun?” yenə efirdədir” –deyəcək.
“Nə olsun?”nun informasiya dəstəyi isə   həmişəki kimi  Vətəninfo.Az  xəbər portalıdır.