Cəbhədə vəziyyət gərginləşib - Düşmən ağır itkilər verib

Düşmən ordusunun isə bir əsgəri məhv edilib, dördü yaralanıb

Azərbaycan və Ermənistan qoşunlarının təmas xəttində atışma olub. "Vətəninfo.az"ın məlumatına görə, hadisə cəbhənin Ağstafa rayonu istiqamətində qeydə alınıb. Tərəflər arasında baş verən intensiv atışma nəticəsində Ermənistan tərəfi bir itki verib, 4 nəfər yaralanıb. Bu barədə məlumatı Ermənistanın Müdafiə Nazirliyi də mətbuata təsdiqləyib.

Azərbaycan Müdafiə Nazirliyinin mətbuat xidmətinin rəisi, polkovnik Eldar Sabiroğlu isə APA-nın sorğusuna cavabında bildirib ki, təmas xəttində baş vermiş atışma zamanı Azərbaycan Ordusunun iki hərbçisi – Cəlal Alıyev və Urfan Vəliyev güllə yarası alıblar.

Yaralı hərbçilər hospitala yerləşdirilib, vəziyyətləri orta-ağırdır.

APA