Ceyhun Osmanlı Azad Rəhimovun yerinə gəlir!

Azərbaycanda “Evrovision-2012” mahnı müsabiqəsindən sonra keçirilən islahatlardan biri də Gənclər və İdman Nazirliyinin vəzifə sturukturundakı dəyişikliklər ilə bağlı olacaq.
“Vətəninfo.az”a daxil olan məlumata görə, “İrəli” Gənclər Hərəkatının eks sədri, millət vəkili Ceyhun Osmanlı Gənclər və İdman Naziri Azad Rəhimovun yerinə vəzifə başına gətirilir.
Məlumatda bildirilir ki, gündəmdə olan bu məsələnin “Eurovision” mahnı müsabiqəsindən sonra gerçəkləşəcəyi ehtimal olunur.
Görünür, son vaxtlar hakimiyyət tərəfindən müəyyən islahatların keçirilməsi, ölkədə güc sturukturlarının formalaşmasına, hakim təbəqənin ölkənin inkişafına yönələn hər hansı məsələlərin həllinə çalışması ilə bağlıdır.
Xatırladaq ki, bir çox məsələnin həllində “İrəli”nin imkanlarından faydalanan eks sədr ötən ay təşkilatın sədrliyindən istefa verib. Ceyhun Osmanlının yeni vəzifəyə təyin olnmasında isə eks sədrin müəyyən qruplaşmaların içərisində olması faktı mühüm rol oynayır.

Mirvari Nəcəf