"Əgər bir insanla dostluq edirəmsə, orada sevgi ola bilməz”

Son zamanlar "Bozbash pictures”in Fəlakəti kimi məşhurlaşan gənc aktyor  Elşən Orucov şəxsi həyatı ilə bağlı bir çox məqamlara aydınlıq gətirib.

Vətəninfo.az bildirir ki, SİA-nın xəbərinə görə, şəxsi həyatı ilə bağlı "Onlar "verilişinin suallarını cavablandıran E. Orucov hazırda həyatında sevgi olmadığını deyib.

Lakin aktyor həyatında tanınmış xanımın olduğunu da etiraf edib:"İstəmirəm ki, həyatımdakı şəxsi hadisəni kimsə bilsin. Bəli, həyatımda tanınmış xanım olub. Buna peşman da deyiləm. Münasibəti ikimiz bilirik. Heç kimə də danışmırıq".

Aktyorun müğənni Röya ilə bağlı münasibətlərinə gəlincə E. Orucov söyləyib: "Röya mənim yaxın dostumdur. Onunla bağlı şayiələri ciddiyə almıram. Bu söz-söhbət həmişə də olacaq. Əgər bir insanla dostluq edirəmsə, orada sevgi ola bilməz”.