Elçin Quliyev hava limanının rəisini vəzifədən azad etdi

Dövlət Sərhəd Xidmətinin yüksək vəzifəli xidmət rəisi işdən azad olunub.

Vətəninfo.az “Qafqazinfo”ya istinadən xəbər verir ki, dünən DSX rəisi, general-polkovnik Elçin Quliyevin əmri ilə Xidmətin Hava limanında Baş İdarə rəisi, polkovnik Gündüz (soyadını dəqiqləşdirə bilmədik) vəzifəsindən azad olunub. Onun işdən çıxarılmasına səbəb isə işində yol verdiyi qüsurlar olub. Rəisin yerinə artıq təyinat olduğu bildirilir. İşdən azad olunan polkovnikin məsələ ilə bağlı mövqeyini də öyrənməyə çalışdıq. O, “Qafqazinfo”ya açıqlamasında bildirib ki, hazırda məzuniyyətdədir və məsələdən xəbərsizdir.

DSX-nın mətbuat xidmətindən də bu barədə məlumatlı olmadıqlarını bildiriblər. 

Ələdə etdiyimiz məlumata görə, bir neçə ay əvvəl də sözügedən xidmət rəisinə komandan tərəfindən töhmət verilib.