“Eurovision -2015 ”in qalibi ölümlə hədələndi

"Hörmətsiz hərəkət edib, onu üzr istəməyə dəvət edirəm". “Eurovision -2015 ”in qalibi Mons Selmerlevin sosial şəbəkədə paylaşdığı şəkil albaniyalıların sərt rekasiyasına səbəb olub.

 İsveç təmsilçisi yatağa uzanmış halda ayaqlarının altına Albaniya bayrağını yerləşdirdiyi şəkli İnstagram hesabından paylaşdıqdan sonra "fotonun altına ölüm təhdidləri yağıb".
Albaniyada nəşr olunan “Panorama” qəzeti ifaçı ilə bağlı yaydığı xəbərdə Mons Selmerlevə ağır tənqidlər yazıb. Hadisəyə İsveçdə yaşayan alban vətəndaşları da sərt reaksiya göstərib.
İsveçdə nəşr olunan “Expressen” qəzetinə müsahibə verən İsveç Albaniya Federasiya Başçısı Əli Shipshani isə "Hörmətsiz hərəkət edib, onu üzr istəməyə dəvət edirəm" deyib.
Ona qarşı əks reaksiyaların artması səsbəbindən Mons Selmerlev sonradan İnstagram hesabından həmin şəkli silib.

Oxu.Az